Kaplohen nga zjarri dy automjete në një aksident në Klinë, dyshohet se një person mbeti brenda

Një person dyshohet se ka mbetur brenda njërit prej dy automjeteve që u aksidentuan dhe më pas u kapluan nga zjarri në Perqevë të Klinës.

Zëdhënësi i Policisë për rajonin e Pejës, Fadil Gashi, konfirmoi për KALLXO.com rastin, por tha se nuk kanë ende informacione në qoftë se viktima është gjallë apo jo.

“Në 19:05 Policia është njoftu se në fshatin Perqevë në Komunën e Klinës ka ndodh një aksident mes dy një veture dhe një kombibusi. Në momentin e aksidentit, të dyja automjetet i ka kapluar zjarri. Po dyshohet se një person ka mbetur në automjet. A është i vdekur a jo nuk e dimë ende” – tha Gashi.

KALLXO.com do t’iu mbajë të informuar në lidhje me këtë aksident.

KALLXO.com ka siguruar fotografi nga vendi i ngjarjes.