Kapet një sasi droge në Mal të Zi, kishte hyrë nga Shqipëria
15.1.2022 - 17:06
Në Mal të Zi është kapur një kamion brenda të cilit është gjetur një sasi lënde narkotike e llojit canabis sativa.
Sipas Policisë së Shqipërisë, droga kishte hyrë nga pika kufitare e Hanit të Hotit, në Shkodër.
“Nga veprimet e para hetimore të përbashkëta të kryera nga autoritetet doganore dhe policore të Malit të Zi dhe të Policisë së Shtetit, paraprakisht rezulton se kamioni ka kaluar nga pika e kalimit kufitar Hani i Hotit, Shkodër”, thuhet në njoftim.
Sipas Policisë, gupi hetimor është duke kryer veprimet procedurale në territorin e Shqipërisë, duke u koordinuar me palën malazeze.