Kapet i dyshuari për vjedhje, malli i kthehet pronarëve
28.11.2022 - 10:53
Policia e Kosovës në Deçan ka arrestuar një burrë i cili dyshohet se ka kryer vjedhje në 3 lokacione të ndryshme.
Sipas policisë, arrestimi ka ndodhur të dielën në mëngjes, rreth orës 3:50 në fshatin Strellc të Komunës së Deçanit.
Tutje policia sqaron se sendet e vjedhura të cilat janë gjetur te i dyshuari, u janë kthyer ankueseve-pronarëve.
Ndërsa i dyshuari pas intervistimit, në konsultim me prokurorin është dërguar në mbajtje.