Kanosi një polic në Fushë Kosovë, arrestohet i dyshuari
13.9.2022 - 10:31
Një zyrtar policor në Fushë Kosovë është kanosur gjatë ditës së djeshme nga një person, i cili më pas është arrestuar.
Gjithçka raportohet se ka ndodhur pasi i dyshuari ishte ndarë i pakënaqur me një gjobë të shqiptuar për një kundërvajtje në trafik.
“Është arrestuar i dyshuari, pasi i njëjti në shenjë pakënaqësie me një gjobë të shqiptuar për një kundërvajtje në trafik, ka kanosur zyrtarin policor” – thuhet në njoftim.
Ngjarja raportohet të ketë ndodhur dje, rreth orës 14:00.
Tutje është treguar se me vendim të prokurorit i dyshuari është liruar dhe rasti shkon në procedurë të rregullt.