Ilustrim
Kanoset me thikë biznesmeni, arrestohet i dyshuari se i kërkoi 5 mijë euro
05.8.2019 - 12:06
Policia e Shtetit ka arrestuar të dyshuarin i cili kishte kanosur me thikë një biznesmen në Korçë, duke i kërkuar në këmbim të jetës shumën prej 5 mijë euro.
I dyshuari ishte dënuar më parë për veprën penale “Vrasja me paramendim”.
Specialistët e Seksionit për Hetimin e Krimeve të Rënda në Drejtorinë Vendore të Policisë Korçë, nën drejtimin e Prokurorisë të Rrethit Gjyqësor Korçë, kanë arrestuar të dyshuarin E.L, 37 vjeç, banues në Korçë.
E.L është arrestuar për veprën penale “Shtrëngimi me anë të kanosjes ose dhunës për dhënien e pasurisë”.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme hetimore.