Haxhi Hoti kandidat per deputet i Nismes per Kosove
Kandidati për deputet i Nismës thotë se Albin Kurti mund të vritet në Kosovë
Kandidati i Nismës Social Demokrate të Kosovës për deputet në zgjedhjet e fundit Haxhi Hoti përmes një postimi në Facebook ka përmendur mundësinë e vrasjes së kryetarit të Lëvizjes Vetëvendosje, Albin Kurti.
Sipas tij, Albin Kurti i ka vetëm dy rrugë, të largohet nga Kosova ose të vritet.
Ai madje ka përdorur si analogji edhe vrasjen e presidentit amerikan, John Kennedy.
“John F. Kennedy Ishte interes i popullit amerikanë që të jetë President, por nuk ishte interes i shtetit amerikanë që të jetë President. Albin Kurti është interes i popullit të Kosovës ndoshta, po nuk është interes i shtetit të Kosovës të jetë kryeministër. Albin Kurri ika 2 rrugë: ose ta lshoj Kosovën ose të vritet”, ka shkruar në profilin e tij në Facebook, Haxhi Hoti.
Hoti në zgjedhjet e 6 tetorit kishte qenë kandidat për deputet nga koalicioni Nisma AKR e PD.
Ai kishte qenë me numër 107 në listën e kandidatëve të koalicionit derisa kishte marrë 306 vota gjithsej.
Albin Kurti dhe partia e tij kanë dalë të parët në zgjedhjet e 6 tetorit.