Kandidati i LVV-së për kryetar të Podujevës: E dhash votën për të ardhmen e komunës sonë
Kandidati i Lëvizjes Vetëvendosje për kryetar të Komunës së Podujevës, Shpejtim Bulliqi, ka hedhur votën e tij në zgjedhjet për të parin e kësaj komune.
Në një adresim para mediave, Bulliqi ka thënë se e ka dhënë votën për të ardhmen e komunës së tij.
“E dhash votën për të ardhmen e komunës sonë për qytetarët tanë, i ftoj qytetarët që të dalin mënyrë masive sot dhe të votojnë për të ardhmen e tyre, shpresojmë sot është ditë e veçantë që të gjithë qytetarët tanë sot të jenë të barabartë. Është prej të paktave ditë që të gjithë ndihen të barabartë”, tha ai.
Bulliqi kërkoi nga qytetarët dhe menaxherët e shkollave që të bëjnë punën e tyre me korrektësinë më të madhe.
“Shpresojmë që në fund të del më i miri dhe ky do të jetë verdikti qytetar”, theksoi kandidati i LVV-së.
Sot po mbahen zgjedhjet e jashtëzakonshme për kryetarë të Komunës së Mitrovicës së Veriut dhe të Podujevës.