Foto: Ilustrim
Kamenicë, vdes një person pas rrokullisjes me traktor
09.1.2023 - 09:01
Një person ka vdekur pasi i njëjti dyshohet se është rrokullisur me traktor.
Rasti ka ndodhur në Kamenicë, njoftoi Policia e Kosovës të hënën.
“Viktima mashkull kosovar dyshohet se derisa ka qenë duke drejtuar traktorin ka humbur kontrollin dhe është rrokullisur me ç’rast i njëjti ka pësuar lëndime vdekjeprurëse” – thuhet në njoftimin e forcave të rendit.
“Vdekjen e tij e ka konstatuar mjeku kujdestar ndërsa lëndime trupore ka pësuar djali i tij viktima mashkull kosovar i cili ka pranuar tretman mjekësor” – thuhet tutje në njoftim.
Me vendim të prokurorit, trupi i pajetë i viktimës është dërguar në IML për Obduksion.