Kamberi për tensionet në Kuvendin e Serbisë: Albanofobi e retorikë e viteve ‘90

Deputeti shqiptar në Kuvendin e Serbisë, Shaip Kamberi, e ka konsideruar rrëmujë dhe mungesë elementare të sensit për realitetin në Kosovë, gjendjen e cila u krijua të enjten në Kuvendin e Serbisë, ku u diskutua për Kosovën.

Kamberi përmes një postimi në Facebook ka thënë se përsëri është rikthyer retorika e viteve ‘90.

“Rrëmujë. Albanofobi. Mungesë elementare e sensit për realitetin në Kosovë. Kështu do të kisha cilësuar seancën e sotme në parlamentin e Serbisë. Retorika e viteve të 90-ta në skenë”- ka shkruar Kamberi.

Sot në Kuvendin e Serbisë ka pasur tensione mes opozitës dhe presidentit të Serbisë, Aleksandar Vuçiq.

Deputetët opozitarë e akuzuan presidentin Vuçiq se “e ke dorëzuar Kosovën”.