Kryetari i Komunës së Drenasit, Nexhat Demaku | Foto: Atdhe Mulla

Kadri Veseli e quan padrejtësi dënimin vëllezërve Demaku në rastin Drenica 2

Kryetari i Partisë Demoraktike të Kosovës, Kadri Veseli e ka quajtur padrejtësi vendimin e Gjykatës për t’i dënuar vëllëzerit, Nexhat e Fadil Demakut.

Të dy ishin dënuar nga Gjykata e Mitrovicës për rastin e njohur si “Drenica 2”.

“Është e vështirë të ngrihesh çdo mëngjes, të shikosh fotografinë e varur në mur të djalit dhe vajzës të rënë në luftë për liri, Xhevatit e Fatimes, dhe të ndjesh mungesën e djemve të tjerë, Nexhatit e Fadilit, të cilët luftuan përkrah tij, por sot nuk janë në liri, për shkak të një padrejtësie të madhe që u bë ndaj tyre, në emër të drejtësisë. Padrejtësia në emër të drejtësisë është e rëndë. Vështirë e përballueshme, por unë e di se ju jeni prindër të fortë”, thuhet në letrën që Veselit thotë se ia ka dërguar prinderëve të Nexhat Demakut, Baca Haxhi dhe Nana Qamë.

Veseli tutje ka thënë se beteja e fundit do të jetë për nderin e UCK-së.

“Vëllezërit e tij, që sot vuajnë padrejtësisht, do të ngadhënjejnë mbi padrejtësinë. Me të vërtetën e tyre të pastër. Me nderin e tyre, të cilin mund ta errësojnë përkohësisht shpifjet e ulëta, por kurrë nuk do të munden ta rrënojnë. Ata do të kthehen! Heronjtë kthehen të fundit nga betejat, e beteja e fundit e jona është beteja për nderin e UÇK-së – beteja për ruajtjen e Kosovës. Ne do të fitojmë, sepse UÇK-ja ishte dhe mbeti deri në fund nderi dhe drejtësia e popullit tonë”, ka shkruar Veseli.

Prokurori Jep Fjalën Përfundimtare në Rastin “Drenica 2”

Apeli Konfirmon Dënimet në Rastin ‘Drenica 2’