Foto: ZKM

Jusuf Thaçi emërohet zv/ministër i Arsimit

Kryeministri i Kosovës, Albin Kurti, e ka emëruar sot, Jusuf Thaçin, zv.ministër në Ministrinë e Arsimit, Shkencës, Teknologjisë dhe Inovacionit.

Kurti ka thënë se përgatitja profesionale e Thaçit do t’i ndihmojë kësaj ministrie.

Po ashtu, kryeministri Kurti ka thënë se kontributi i Thaçit në Ministrinë e Arsimit është i nevojshëm.

“Duke i uruar punë të mbarë, kryeministri Kurti, ka thënë se përgatitja profesionale e z. Thaçi  do t’i ndihmojë shumë Ministrisë së Arsimit, Shkencës, Teknologjisë dhe Inovacionit,  dhe se kontributi i tij në këtë institucion është më së i nevojshëm”, thuhet në njoftimin e Zyrës së Kryeministrit.

Jusufi ka qenë më parë drejtor i Arsimit në Komunën e Prishtinës.

Po ashtu, Jusufi punon tek Instituti Atomi. Ky Institut identifikon dhe përkrah personat me inteligjencë të jashtëzakonshme, me dhunti e talente në të gjitha format dhe drejtimet në Kosovë e jashtë saj.

Foto: ZKM