John Lee bëhet lider i ri i Hong Kongut

John Lee është emëruar lideri i ri i Hong Kongut, pas një procesi votimi të mbyllur në të cilin ai ishte kandidati i vetëm.

Emërimi i tij po shihet si një lëvizje nga qeveria kineze për të forcuar kontrollin e saj në qytet, raporton BBC.

I njohur si një mbështetës i vendosur i Pekinit, Lee mbikëqyri goditjet të dhunshme ndaj protestuesve pro-demokracisë në vitin 2019.

Lee zëvendëson shefen ekzekutive në largim, Carrie Lam, e cila kishte shërbyer që nga viti 2017.

Udhëheqësit e Hong Kongut zgjidhen nga një komitet i rrethit të mbyllur prej rreth 1,500 anëtarësh, të cilët janë pothuajse të gjithë besnikë pro Pekinit – megjithëse këtë herë kishte vetëm një pretendent që ata të zgjidheshin.

Lee, i cili ishte ish-kryesekretari dhe zyrtari i dytë më i lartë i qytetit, gjithmonë mendohej të ishte zëvendësuesi i favorizuar i zonjës Lam, e cila më herët njoftoi se nuk do të kërkonte një mandat të dytë në detyrë.