Japin betimin 21 prokurorë

Presidentja e Kosovës, Vjosa Osmani ka dekretuar sot 21 prokurorë të rinj, me mandat fillestar për tre vite.

Të njëjtit do të sistemohen në prokuroritë themelore në Kosovë.

Në ceremoninë e betimit, Osmani ka theksuar se integriteti dhe profesionalizmi i prokurorëve janë elemente thelbësore për një sistem të drejtësisë që garanton barazinë dhe besimin qytetar.

Ndërsa, prokurorët e rinj janë betuar se gjatë kryerjes së detyrave do t’i qëndrojnë kurdoherë besnik Kushtetutës së Republikës së Kosovës, ligjeve në fuqi dhe do të respektojnë rregullat e etikës profesionale.

Në njoftimin e Presidencës së Kosovës thuhet Osmani ftoi prokurorët e rinj që të angazhohen për një sistem të drejtësisë të pavarur, të pandikuar dhe profesional.