Iu gjet një pushkë gjahu, ndalohet i dyshuari në Ferizaj

Polica e Stacionit në Ferizaj më 18.09.2024, rreth orës 18:30, ka pranuar një informacion që në fshatin Graçkë të Ferizajt një person është parë me armë zjarri.

“Policët e rendit janë nisur menjëherë në atë drejtim dhe kanë arritur të identifikojnë personin XH.R. (M/K), 42 vjeç, tek i cili është gjetur një armë zjarri, pushkë gjahu.”

I dyshuari, sipas njoftimit të policisë, pas intervistimit nga hetuesit me vendim të Prokurorit të Shtetit, është ndaluar për 48 orë për procedura të mëtejme ndërsa arma (pushkë gjahu) është sekuestruar si provë materiale.

Rasti është cilësuar si “Mbajtje në pronësi, kontroll apo posedim të paautorizuar të armëve”.