Itali, treni godet për vdekje dy të rinj, njëri dyshohet se është nga Kosova

Dy të rinj, njëri 15-vjeçar e tjetri 17 (njëri prej tyre dyshohet se është nga Kosova) kanë vdekur si pasojë e goditjes nga treni.

Sipas milano.corriere.it, aksidenti tragjik ka ndodhur të dielën pasdite në stacionin e trenit San Pietro Berbenno, në rajonin e Lombardisë, në Itali.

Sipas raportimit, ata po prisnin për t’u kthyer në shtëpi pas një dite të kaluar në një park argëtimi.

Treni i cili i ka goditur dyshohet të ketë pasur shpejtësinë 100 km në orë.