Foto: REL/Reuters

Itali, testim i detyrueshëm për COVID-19 për udhëtarët nga katër vende të BE-së

Udhëtarët që shkojnë në Itali nga Kroacia, Greqia, Malta dhe Spanja do të përballen me testimin e detyrueshëm për COVID-19, sipas një dekreti të lëshuar sot nga ministri i Shëndetësisë, Roberto Speranza.

“Masa, në fuqi nga sot, vlen për të gjitha rajonet e vendit, deri më 7 shtator”, tha ministri.

Udhëtarët duhet të paraqesin një provë negative për koronavirusin e ri të kryer brenda 72 orëve të fundit ose të bëjnë testin pas mbërritjes, brenda 48 orëve, në autoritetin lokal shëndetësor.

Ministria e Shëndetësisë nuk specifikoi nëse masa do të zbatohej edhe për udhëtarët në tranzit, të cilët nuk ndalen në Itali./21Media