Istog, arrestohen katër persona pasi u rrahën mes vete 

Katër persona janë arrestuar nga Policia e Kosovës, pasi dyshohet se pas një mosmarrëveshjeje janë rrahur mes vete, me ç’rast njëri prej tyre ka pësuar lëndime trupore. 

Kështu ka bërë të ditur Policia në raportin 24 orësh, të lëshuar sot më 08.11.2024. 

Sipas Policisë, i lënduari ka pranuar tretman mjekësor, ndërkaq në vendin e ngjarjes Policia thotë se ka gjetur dhe konfiskuar dy pistoleta, një gëzhojë, katër fishekë, një sëpatë dhe dy thika. 

Të dyshuarit janë intervistuar dhe me vendim të prokurorit njëri prej tyre është dërguar në mbajtje, ndërsa të tjerët janë liruar, njofton Policia. 

Rasti i cilësuar si “Lëndim i rëndë trupor” dhe “Armëmbajtje pa leje”, raportohet të ketë ndodhur, të enjten, më 07.11.2024 në Istog.