Ish-komandanti i ushtrisë amerikane për Evropë kundërshton largimin e trupave amerikane nga Kosova
Ish-komandanti i ushtrisë amerikane për Evropë, gjenerali në pension Ben Hodges, e ka kundërshtuar paralajmërimin për heqje të trupave amerikane nga Kosova.
Duke e shpërndarë në Twitter, publikimin e Donald Trump Junior, të birit të Presidentit të SHBA-ve Donald Trump, i cili e ka mbështetur kërkesën e senatorit amerikan David Perdue, për tërheqjen e trupave amerikane nga Kosova, Hodges ka thënë se ky do të ishte një gabim i madh.
David Perdue, senator amerikan, të martën ka kërkuar nga Qeveria e Kosovës që sa më shpejt ta largojë tarifën ndaj mallrave të Serbisë.
“Ky do të ishte një gabim … KFOR-i është spiranca e vetme e stabilitetit në rajon. Tërheqja e tyre tani, përpara se të zbatohen marrëveshjet, do të ishte sikur të tërhiqnit të gjithë lojtarët startues në mes të një rikthimi në çerekun e katërt, pak para se të merrni epërsinë”, ka shkruar Ben Hodges.
Kryeministrit Albin Kurti po i kërkohet që menjëherë të heq tarifën 100 për qind, pas paralajmërimeve të ShBA-së, për tërheqjen e trupave amerikane nga Kosova.
