Ish i dërguari amerikan për Ballkanin, propozohet për Ndihmës Sekretar të Shtetit

Presidenti Joe Biden gjatë ditës së sotme ka njoftuar se ka propozuar dy emra si udhëheqës kryesorë në administratën e tij.

James V. O’Brien është propozuar nga Biden për Ndihmës Sekretar të Shtetit për Çështje Evropiane dhe Euroaziatike ndërsa Dennis B.Kankins është propozuar për ambassador të Jashtëzakonshëm dhe fuqiplotë në Republikën e Haitit.

O’Brien aktualisht shërben si shef i zyrës së koordinimit të sanksioneve në Departamentin e Shtetit, post këtë që e mban që nga viti 2022.

Ai ishte ish i dërguari amerikan për Ballkanin. Më parë, O’Brien ka shërbyer në dy administrata amerikane si i dërguar presidencial.

Nga viti 1989 deri në vitin 2001 ai shërbeu si këshilltar i lartë i ish- Sekretares Madeleine Albright.

Ai drejtoi një program të madh dhe të suksesshëm sanksionesh dhe këshilloi për një sërë çështjesh, duke përfshirë negociatat e paqes në Evropë, marrëveshjet shkencore dhe mjedisore, tranzicionin post-sovjetik të Rusisë dhe Ukrainës dhe nismat për të hetuar dhe ndjekur penalisht personat përgjegjës për krimet e luftës.

Si i dërguari i parë presidencial për çështjet e pengjeve nga viti 2015 deri në vitin 2017, ai ndihmoi në krijimin e zyrës dhe punoi për kthimin e sigurt të njëqind qytetarëve amerikanë.

Pas largimit nga qeveria, ai ishte edhe Zëvendës Kryetar i Albright Stonebridge Group, një firmë ndërkombëtare këshilluese.

Hankins, është anëtar karriere i Shërbimit të Lartë të Jashtëm, klasa e Ministrit-Këshilltar.

Ai aktualisht shërben në Pentagon si Këshilltar për Politikën e Jashtme në Byronë e Gardës Kombëtare. Hankins ka shërbyer më parë si ambasador në Republikën e Malit dhe në Republikën e Guinesë.

Ai ka shërbyer tre herë si Zëvendës Shef i Misionit, në Sudan, Mauritani dhe Mozambik, Zyrtar Kryesor në Sao Paulo, Brazil dhe Konsull i Përgjithshëm në Riad, Arabi Saudite. Më parë, Hankins ishte Këshilltar Politik dhe Ekonomik në Ambasadën e SHBA në Portugali dhe Shef i Seksionit Politik në Republikën Demokratike të Kongos. Ai shërbeu në Haiti si Shef i Vizave Joemigruese dhe Koordinator për Refugjatët. Ai gjithashtu ka shërbyer jashtë shtetit në Sudan, Tajlandë dhe Recife, Brazil.

Në Uashington,  ai ka shërbyer si Zëvendës Drejtor për Ruajtjen e Paqes, Oficer i Lartë i Rojës dhe Oficer i Tavolinës së Angolës.