Intervenime në ujësjellës, disa zona të Mitrovicës do të mbesin pa ujë përkohësisht

Edhe të martën (06.08.2024) disa lagje të Mitrovicës do të mbesin pa ujë përkohësisht për shkak të disa intervenimeve, ka njoftuar Kompania Rajonale Ujësjellësi “Mitrovica”.

Punimet në rrjetin e ujësjellësit do të kryhen në lokacionet: Rruga “Beteja e Kosharës”, rruga ”Xhevat Jusufi”, rruga “Mbretëresha Teutë” dhe fhati Verrnicë.

“Gjatë intervenimit në rrjetin e ujësjellësit priten ndërprerje të përkohshme të furnizmit me ujë të pijes”- thuhet në njoftim.

Po ashtu, KRU “Mitrovica” njofton se sot gjatë ditës do të ketë edhe intervenime në rrjetin e kanalizimit në disa zona të qytetit.

“Ndërsa në rrjetin e kanalizimit do të intervenohet në këto rrugë të Mitrovicës: Rr. ‘Hamëz Jashari’, Tuneli i parë ,-Rr. ‘Ramadan Peci’ (Dukagjini),- Rr. ‘Rifat Dedia’ (Kolloni)”- njofton KRU “Mitrovica”.

Më 05.08.2024, KALLXO.com ka raportuar se në Skenderaj dhe Mitrovicë nuk ka pasur furnizim me ujë të pijshëm për tri ditë me radhë.

Konsumatorët e ujësjellësit në Skenderaj e Mitrovicë tash e tri ditë pa ujë