Foto: IHMK.

Instituti Hidrometeorologjik publikon raportin e muajit shkurt për cilësinë e ajrit

Instituti Hidrometeorologjik i Kosovës (IHMK) ka publikuar raporti e muajit shkurt 2023, për cilësinë e ajrit në Republikën e Kosovës. 

IHMK bën monitorimin e cilësisë së ajrit në tërë vendin, përmes Rrjetit Nacional për Monitorimin e Cilësisë së Ajrit.  

Ky rrjet është i përbërë nga 12 stacione automatike fikse dhe një stacion automatik mobil. 

Sipas IHMK-së, shpërndarja e stacioneve dhe përzgjedhja e lokacioneve monitoruese është bërë konform kritereve të Direktivës 2008/50/EU për ajër të pastër në Evropë, dhe ligjeve vendore, duke respektuar këto kritere stacionet janë shpërndarë në 9 komuna të Republikës së Kosovës: Prishtinë, Obiliq, Drenas, Mitrovicë, Pejë, Prizren, Brezovicë, Hani i Elezit dhe Gjilan. 

Për më shumë informacione mund ta lexoni raportin e plotë.