Foto: REL/Reuters
Institucioni parashkollor “Nëna Zahide” në Skenderaj kalon në mësim online
18.1.2022 - 20:37
Institucioni parashkollor “Nëna Zahide” në Skenderaj do të jetë i mbyllur në dhjetë ditët e ardhshme për shkak se një pjesë e stafit në këtë institucion kanë rezultuar pozitiv me COVID-19.
“Në bazë të udhëzimit të Institutit Kombëtar të Shëndetit Publik, si masë parandaluese e përhapjes së COVID-19, Institucioni Parashkollor “Nëna Zahide” do të jetë i mbyllur për 10 ditë, që nga dita e mërkurë (19.01.2022)”, thuhet në njoftimin e Komunës së Skenderajt.
Tutje është bërë e ditur gjatë periudhës 10-ditore, procesi edukativo-arsimor për grupin parashkollor do të zhvillohet në sistemin online.