Foto: Denis Sllovinja/KALLXO.com
Inspektori pengohet e fyhet gjatë aksionit të lirimit të hapësirave publike në sheshin e Prishtinës
24.5.2022 - 10:12
Policia e Kosovës në raportin 24-orësh ka bërë të ditur se një person është arrestuar pasi ka penguar një inspektor komunal të Prishtinës gjatë kryerjes së detyrës.
Me vendim të prokurorit, i dyshuari është dërguar në mbajtje.
Drejtori i Inspeksionit, Florian Dushi në një prononcim për KALLXO.com ka deklaruar se inspektori ishte gjatë një aksioni për lirimin e hapësirave publike që janë uzurpuar në sheshet e kryeqytetit.
Dushi deklaroi se i dyshuari ka ofenduar e fyer inspektorin.
“Aksioni do të vazhdojë edhe sot në pjesën tjetër të sheshit. Tash për tash jemi duke liruar hapësirat e uzurpuara në shesh dhe mbi pllato”, ka bërë të ditur tuje drejtori Dushi.