Foto: Denis Sllovinja/KALLXO.com
Inspektorët largojnë shitësit ambulantë nga sheshi i Prishtinës
22.12.2021 - 20:49
Kryetari i Komunës së Prishtinës, Përparim Rama, ka njoftuar se sot inspektorët kanë larguar nga sheshi ‘Nënë Tereza’ të gjithë shitësit ambulantë, të cilët, sipas tij, veprojnë aty pa leje.
Rama ka deklaruar se nuk do të lejojnë shitje ilegale të produkteve të pakontrolluara.
“Ne nuk mund të lejojmë shitje ilegale të produkteve të pakontrolluara, në sheshet tona, të cilat mund të kenë efekte negative në shëndetin publik”, ka shkruar i pari i Prishtinës, në rrjetin social “Facebook”.