Infermierja gjendet e vdekur në Spitalin e Vushtrrisë
06.6.2021 - 16:43
Një grua është gjetur e vdekur në mëngjesin e sotëm në Spitalin e Vushtrrisë.
Viktima punonte si infermiere në këtë Spital.
Rasti u konfirmua për KALLXO.com nga Policia e Kosovës.
Zëdhënësi i Policisë për rajonin e Mitrovicës, Ilmi Prekazi, ka deklaruar se rasti po cilësohet si vdekje e dyshimtë.
“E ndjera është gjetur pa shenja jete në një nga zyrat e Spitalit “Sheikh Zayed” në Vushtrri, njësitet kompetente kanë dalë në vendin e ngjarjes. Me urdhër të prokurorit trupi i pajetë është dërguar për ekzaminim në Institutin e Mjekësisë Ligjore në Prishtinë”, tha Prekazi.