Indonezi, të paktën 174 të vdekur nga trazirat në ndeshjen e futbollit

Të paktën 174 persona kanë vdekur nga trazirat në një ndeshje futbolli në Indonezi, e cila është bërë një nga fatkeqësitë më të rënda të stadiumit në botë.

Rreth 180 persona u lënduan gjithashtu në përplasjen pasi ekipi vendas Arema FC humbi ndaj rivalëve në stadiumin e mbipopulluar vonë të shtunën në Malang, ishullin e Javas Lindore.

Rrëmuja ndodhi kur policia përdori gaz lotsjellës pasi tifozët u futën në fushë.

Ndërkohë që u përhap paniku, mijëra njerëz u nisën drejt daljeve të stadiumit Kanjuruhan, dhe si pasojë, shumë prejh tyre mbetën të vdekur.

Raportet fillestare thonë se numri i të vdekurve është rreth 130, por Emil Dardak, zëvendësguvernatori i Java-s Lindore, më vonë njoftoi një rritje të konsiderueshme të të vdekurve që e çoi këtë shifërnë 174, duke shtuar se 11 persona të tjerë janë plagosur rëndë.

Presidenti Joko Widodo ka urdhëruar që të gjitha ndeshjet në ligën më të lartë të Indonezisë duhet të ndalen derisa të kryhet një hetim.

Shefi i Ministrit të Sigurisë së Indonezisë tha se spektatorët tejkaluan kapacitetin e deklaruar të stadiumit Kanjuruhan prej 38,000 me rreth 4,000 njerëz.

Videot nga stadiumi shfaqin tifozët që vrapojnë në fushë pas fishkëllimës së fundit që shënoi humbjen 2-3 të ekipit vendas.

Videot në mediat sociale tregojnë fansat duke u kapur mbi gardhe për të shpëtuar. Video të veçanta duket se tregojnë trupa të pajetë në fushën e futbollit.

Kjo rrëmujë në stadiumin e Indonezisë është një nga më të këqijat e një vargu tragjikisht të gjatë katastrofash në stadium.

Në vitin 1964, gjithsej 320 njerëz u vranë dhe më shumë se 1000 u plagosën gjatë një rrëmuje në një ndeshje kualifikuese olimpike Peru-Argjentinë në Lima.

Në vitin 1985, 39 njerëz vdiqën dhe 600 u lënduan në stadiumin Heysel në Bruksel, Belgjikë, kur tifozët u shtypën pas një muri që më pas u shemb gjatë finales së Kupës Evropiane midis Liverpoolit (Angli) dhe Juventusit (Itali).

Në Mbretërinë e Bashkuar, në stadiumin Hillsborough në Sheffield pas një rrëmuje aty, gjetën vdekjen 97 tifozë të Liverpool-it të cilët po ndiqnin gjysmëfinalen e Kupës FA të klubit kundër Nottingham Forest./BBC