Incizoi të dashurën derisa po flinte dhe i shpërndau videot në rrjetet sociale, arrestohet i dyshuari

Një burrë është arrestuar nën dyshimin se e ka incizuar të dashurën e tij derisa ajo ishte duke fjetur, dhe ato incizime më pas i ka shpëndarë në rrjetet sociale.

Rasti ka ndodhur në Leposaviq.

Sipas raportit të Policisë së Kosovës, të publikuar më 18.11.2024, viktima është shtetase e Serbisë, ndërsa i dyshuari është shtetas i Kosovës.

“Dyshohet se viktima f/s, shtetase e Serbisë kishte shkuar në shtëpinë e të dashurit të saj m/k, i cili kishte shfrytëzuar rastin deri sa viktima ishte në gjumë  i kishe bërë disa incizime të cilat më pas i kishte shpërndarë në rrjete sociale”- thuhet në raport.

Me urdhër të prokurorit, i dyshuari është dërguar në mbajtje.