IKShPK apel qytetarëve t'i respektojnë masat kundër COVID-19
Instituti Kombëtar i Shëndetësisë Publike edhe njëherë ka kërkuar nga qytetarët e Kosovës që të vazhdojnë të respektojnë rregullat.
Pas shtimit të rasteve, IKShPK-ja u është lutur qytetarëve, pasi COVID-19 ende nuk është zhdukur.
Gjithashtu, IKShPK-ja ka kërkuar nga institucionet e vendit dhe inspektorët për angazhim të shtuar gjatë ditëve në vijim, për të mbajtur rendin.
Ky është kërkesa e plotë e Institutit:
Të nderuar qytetarë!
Virusi akoma gjendet në mesin tonë.Vazhdoni të mbani distancën fizike dhe mbajtjen e maskave!
Lehtësimi i lëvizjes nuk nënkupton mosrespektimin e rekomandimeve të Institutit Kombëtar dhe Ministrisë së Shëndetësisë.
Lehtësimi i masave është bërë për të na bërë më të përgjegjshëm.
Sakrificën tonë për të ruajtur shëndetin ta konsiderojmë si vlerë sublime duke vazhduar me mbajtjen e distancës fizike dhe mbajtjen e maskave nē vendet publike.
Ju lutemi për kujdes të shtuar deri në shuarjen e plotë të COVID-19!
Ju lutemi të keni kujdes sepse akoma ekziston rrezik i përhapjes në vendet ku ka grumbullim të madh të njerëzve.
Virusi nuk ka këmbë, andaj mos ia jepni këmbët e juaja sepse do të rrezikoni të gjithë e më së shumti të afërmit tuaj!
Luten institucionet për mbajtjen e rendit dhe inspektoratet për angazhim të shtuar gjatë ditëve në vijim.
Ju faleminderit për mirëkuptim!
