Identifikohet i dyshuari për vendosjen e afisheve provokuese në Mitrovicën e Jugut

Policia e Kosovës ka identifikuar të dyshuarin që ka vendosur afishe me mbishkrime provokuese në rrugën “Dëshmorët e vitit 1903″ në Mitrovicën e Jugut.

“Pas ekzaminimit të vendit të ngjarjes janë ndërmarrë veprime operative e hetimore për identifikimin e të dyshuarit, si rezultat i hetimeve  dhe pamjeve të nxjerra nga kamerat e asaj rruge është identifikuar një veturë dhe personi i dyshuar i cili dyshohet të i ketë vendosur afishet. Ndaj të dyshuarit A. A., m/k/s, është shqiptuar fletëparaqitje për “Prishje të Rendit dhe qetësisë Publike”- thuhet në njoftimin e Policisë, më 29.10.2024.

Të dyshuarit me inicialet A.A.,  i është shqiptuar fletëparaqitje për “Prishje të Rendit dhe qetësisë Publike”.

Në afishet e vëna është shkruar “EULEX- Vetëvendosje!- Police”.