Ia vjedhin 20 makina për prodhim të valutave
07.11.2021 - 09:21
Një qytetar ka raportuar në Polici se persona të panjohur ia kanë vjedhur nga objekti përcjellës i shtëpisë 20 makina për prodhimin e valutave dhe 120 kartela grafike.
Rasti, i cili po trajtohet si vjedhje e rëndë, ka ndodhur në fshatin Çabër të Zubin Potokut dhe është raportuar të premten rreth orës 20:30.
Ndërkohë që nuk është arrestuar askush, rasti vazhdon të hetohet.
Në maj të këtij viti, KALLXO.com ka publikuar hulumtimin për prodhimin e kryptovalutave në katër komunat e veriut të Kosovës.
Atje ka edhe banorë shqiptarë që po i lëshojnë pronat me qira për prodhimin e monedhave digjitale.
www.kallxo.com