Ia dëmtuan misrin, qytetari nga Podujeva dyshohet se i gjuajti me armë derrat e egër

Një burrë është arrestuar nën dyshimin se ka shtënë me armë zjarri në drejtim të disa derrave të egër të cilët ia kishin dëmtuar misrin në fshatin Dumnicë e Poshtme në Podujevë.

“Në vendin e ngjarjes janë gjetur dhe sekuestruar katër gëzhoja si dhe një armë AK-47 së bashku me një karikator” – thuhet në raportin e Policisë së Kosovës.

I dyshuari që u arrestua për armëmbajtje pa leje më 01.08.2024, u lirua më pas në procedurë të rregullt me vendim të prokurorit.