I shqiptuan gjobë, një person dyshohet se sulmoi dy policë

Në orët e mbrëmjes në Prishtinë, në rrugën “Bashkim Fehmiu” është arrestuar një person për sulm ndaj personit zyrtar.

Sipas policisë, i dyshuari kishte sulmuar fizikisht dy zyrtarët policorë të cilët ishin duke i shqiptuar atij një gjobë për një kundërvajtje në trafik.

Në lidhje me rastin e njëjtë është njoftuar edhe Prokuroria e Shtetit.

Me vendim të prokurorit, i dyshuari është dërguar në mbajtje.