I kërkuari nga Gjykata, arrestohet me drogë

Policia e Kosovës njofton se ka arrestuar një person në Graçanicë të cilit i është gjetur dhe sekuestruar një sasi e vogël e dyshuar narkotike e llojit marihuanë.

Gjithashtu sipas Policisë, pas ndalimit të tij në orët e mbrëmjes, gjatë verifikimit, i dyshuari ka rezultuar të jetë person i kërkuar nga Gjykata.

I dyshuari në bazë të urdhëresës dhe në konsultim me prokurorin është dërguar në mbajtje, thuhet në raportin policor.