I dyshuari se hyri ilegalisht në Kosovë dërgohet në karantinë
Një burrë është arrestuar nën dyshimin se kanë kaluar kufijtë ilegalisht për të hyrë në Kosovë.
Më 12 maj një burrë në fshatin Stublinë të Gjilani u kap nga policia pasi dyshohet se ka kaluar ilegalisht kufirin Serbi Kosovë.
Ndaj të dyshuarit është iniciuar rasti, ndërsa nga ekipi mjekësor i është bërë kontrolli mjekësor dhe i njëjti në konsultim me prokurorin pas procedurave me Ministrinë e shëndetësisë dërgohet në karantinë.
Një rast i ngjashëm me të lartcekurin ka ndodhur dje në Han të Elezit, ku dje një i dyshuar shtetas i Shqipërisë kishte kaluar ilegalisht kufirin dhe kishte hyrë në Kosovë.
Policia ka njoftuar se pas kontrollit mjekësor, me vendim të prokurorit, i dyshuari i është dorëzuar autoriteteve të Shqipërisë dhe rasti shkon në procedurë të rregullt.