I dyshuari për plagosjen në Pejë, në arrati

Prokuroria në Pejë ka arritur që të identifikoj të dyshuarin për plagosjet në Pejë të cilat ndodhën sot.

I njëjti sipas zëdhënësit të Prokurorisë së Pejës, Shkodran Nikçi është në arrati.

“Lidhur me rastin, prokurori kujdestar, ka identifikuar edhe të dyshuarin por i njëjti është duke u kërkuar pasi që pas rastit është larguar nga vendi i ngjarjes”, ka thënë Nikçi.

KALLXO.com gjatë ditës raportoi në lidhje me plagosjen e dy personave në Pejë.

Siç mëson KALLXO.com, njëri nga të plagosurit ka qenë kalimtar rasti dhe nuk ka qenë cak i të shtënave me armë.

Sipas Zëdhënësit të Prokurorisë së Pejës Shkodran Nikçi, gjendja shëndetësore e dy të plagosurve është stabile.

KALLXO.com mëson se pikënisje e kësaj plagosje, në të cilën u plagos edhe një qytetar i pafajshëm ishte një mosmarrëveshje mes të dyshuarit dhe njërit nga të plagosurit.