Foto: Ilustrim
I dyshuari organizoi dasmë e gjuan me armë
12.4.2021 - 10:10
Gjatë ditës së djeshme një person në Klinë kishte organizuar një aheng familjar, duke mos respektuar masat kundër COVID-19.
Policia ka njoftuar se organizatori i këtij ahengu është arrestuar pasi që i njëjti përveç që ka shkelur masat kundër COVID-19, ka shtënë edhe me armë zjarri.
Sipas njoftimit , i dyshuari gjatë ahengut ka shtënë me armë zjarri, ndërsa policia në vendin e ngjarjes ka gjetur dhe konfiskuar armë Ekoc Special me një karikator dhe 13 gëzhoja.
Të dyshuarit i është shqiptuar një gjobë për mosrespektim të masave kundër COVID-19, ndërsa me vendim të prokurorit, i njëjti është liruar në procedurë të rregullt.