Hynë ilegalisht nga Shqipëria, të dyshuarve iu gjet drogë e para

Dy burra,  njëri kosovar e tjetri shtetas i Shqipërisë u arrestuan në pikën kufitare Qafë Prush dje nën dyshimin se  kanë kaluar ilegalisht kufirin.

Gjithashtu, policia ka njoftuar se gjatë kontrollit te shtetasi i Shqipërisë është gjetur  dhe konfiskuar një sasi me substancë narkotike e llojit kokainë me peshë rreth 53.12 gram.

Nga të dyshuarit gjithashtu janë konfiskuar para në vlerë 1 mijë e 650 euro dhe 12 mijë e 320 lekë, një veturë e llojit BMW si dhe dy telefona.

Me vendim të prokurorit kujdestar të dyshuarit ndalohen për 48 orë.