Ish ministrja e Financave dhe Transfereve nga radhët e LDK-së, Hykmete Bajrami, ka reaguar lidhur me publikimin e listave të bizneseve që përfituan nga Pakoja e rimëkëmbjes ekonomike nga ministri Hekuran Murati.
Sipas Bajramit, në mungesë të argumenteve për mosvazhdimin e shtesave për pensionistët, është zhvendosur vëmendja diku tjetër.
Në reagimin e saj në rrjetin Facebook, Hykmete Bajrami thotë se LDK nuk i sheh bizneset si armiq por si kontribues të zhvillimit ekonomik.
Paratë për këto biznese sipas Bajramit janë ndarë mbi kriterin për kokë të punëtorit, të dhëna këto që sipas janë me transparencë të plotë.
Bajrami tutje i ka bërë thirrje ministrit Hekuran Murati që të publikojë kontributin e këtyre bizneseve për shtetin si dhe përfituesit e Pakos Fiskale Emergjente të Qeverisë Kurti I.
Më poshtë keni reagimin e plotë të ish-ministres së Financave dhe Transfereve, Hykmete Bajrami:
“Pasi neglizhoj pensionistët dhe familjet në asistencë sociale, ministri Murati paska kthyer tytat kah punëdhënësit/tatim paguesit më të mëdhenjë të vendit
Ministri i Financave në mungesë të argumenteve për mos vazhdimin e shtesave pensionistëve dhe familjeve në asistencë sociale paska zgjedhë strategjinë e zhvendosjes së vëmendjes diku tjetër, duke publikuar një listë të pjesshme të përfituesëve nga programi i rimëkëmbjes ekonomik të qeverisë së kaluar.
Minister, LDK bizneset nuk i sheh si armiq, as si konkurrentë. LDK i sheh bizneset si kontribuseit e vetëm të zhvillimit ekonomik, gjenerues të punësimit, burim i të hyrave të buxhetit dhe sektori në të cilin bazohet e ardhmja e këtij vendi.
Shpërndarja e 60 milion eurove vitin e kaluar, ka qënë masa më transparente, më efikase dhe e cila e ka ndihmuar shumë sektorin privat.
Sa për krahasim ju dje keni ndarë 6 milion euro për 8 mijë biznese të gastronomisë dhe të gjithë sektorëve tjerë që janë prekë nga mbyllja.
Minister, 60 milion euro janë ndarë për bizneset private, me kriterin për kokë të punëtorit. Nga kjo masë kanë përfitu 206,852 punëtorë dhe 36,679 biznese. Në vitin 2021 kemi ndarë edhe 6.4 milion euro të tjera për 22,222 mijë të vetëpunësuar.
Këto të dhëna i ka BE, i kanë të gjithë, transparenca ka qënë e plotë. Kjo që publikuat sot nuk është asnjë risi për publikun, përkundrazi është kërcenim për sektorin privat, (shih reagimet e bizneseve).
LDK-së nuk i pengojnë bizneset e mëdha, ne gjithëmonë do të bëjmë përpjekje që secili biznes i vogël të rritet dhe të punësoj aq sa punësojnë sot top 50 bizneset që i keni publikuar në llogarinë tuaj në fcb.
Minister, top 50 bizneset që ju keni publikuar janë përfitues të po atyre shumave POR ju keni mbetë borxh këtyre bizneseve dhe publikut të gjerë diçka tjetër: Publikoje sa kontribuojnë këto biznese në buxhetin e shtetit, bëje publike edhe atë tabelë!
Edhe një gjë nëse dëshiron me qënë transparent publikoj edhe 50 top përfituesit e masave të Pakos Fiskale Emergjente të qeverisë KURTI I.
Me këtë urrejtje që keni për sektorin privat është mirë të na tregoni si dhe ku do të realizoni punësimin e të gjithë të diplomuarëve, premtim ky i yti i fushatë së fundit.
Shihni tabelat e shpërndarjes së mjeteve:
Ministri Murati publikon listën e 50 bizneseve që përfituan më së shumti nga Pakoja e rimëkëmbjes e Qeverisë Hoti
