Hoti: Rakiq i nënshtrohet Kushtetutës dhe Ligjeve të Kosovës
08.7.2020 - 20:22
Kryeministri i vendit, Avdullah Hoti ka komentuar deklaratën e Listës Serbe dhe të zëvendëskryeministrit, Goran Rakiq për referimin e Kosovës si “Kosovë e Metohi”.
Hoti në një konferencë për media tha se Rakiq i nënshtrohet vetëm ligjeve të Kosovës
“Zëvendëskryeministri Rakiq në zyrën e tij i përdorë te gjitha simbolet e Kosovës ashtu siç kanë qenë, pa asnjë ndryshim. Deklarimet nuk kanë qenë të z.Rakiq. Ai iu nënshtrohet kushtetutës dhe ligjeve të Kosovës. Ai është anëtar i qeverisë së Kosovës dhe i nënshtrohet ligjit. Në cilindo rast që bie ndesh, unë detyrohem të marrë vendim arbitrar. Është çështje e tyre se si janë deklaru”, ka thënë kreu i ekzekutivit.