Hoti premton sërish: Sivjet hiqen vizat dhe arrihet njohja nga Serbia

Kandidati i Lidhjes Demokratike të Kosovës (LDK) për kryeministër, Avdullah Hoti, tha të martën në Gjakovë se gjatë këtij viti do të përmbyllet procesi i liberalizimit të vizave dhe do të përmbyllet procesi i njohjes reciproke nga Serbia, ashtu si ka kërkuar presidenti amerikan, Joe Biden.

Hoti në vazhdimësi është duke premtuar për këto dy çështje.

“Vendet e BE-së i besojnë qeverisjes së LDK-së si pjesë e Partive Popullore Evropiane. Ne kemi përkrahjen e partive simotra për të përmbyllur me sukses procesin e liberalizimit të vizave gjatë këtij viti. Ne gjithashtu kemi përkrahjen e Shteteve të Bashkuara të Amerikës për të përmbyllur procesin e dialogut me Serbinë, siç tha Presidenti Biden ‘me njohje recirpoke”, tha ai.

Liberalizimi i vizave është premtuar në vazhdimësi nga politikanët kosovarë, por një gjë e tillë ende nuk ka ndodhur. Kosova është i vetmi shtet në rajon që nuk e gëzon liberalizimin e vizave.

Fushata zgjedhore ka nisur të mërkurën më 3 shkurt dhe do të zgjasë deri më 12 dhjetor. Zgjedhjet e jashtëzakonshme parlamentare do të mbahen të dielën e 14 shkurtit.

Hoti premton heqjen e vizave dhe përfundimin e dialogut këtë vit