Hoti jep detaje për takimin me palën serbe në ShBA më 2 shtator

Kryeministri i Kosovës, Avdullah Hoti është deklaruar për takimin e paralajmëruar për 2 shtator mes Kosovës dhe Serbisë në Shtëpinë e Bardhë.

Hoti ka thënë se do të takohen me palën serbe si dy vende të pavarura, për projekte madhore ekonomike.

Kryeministri ka shkruar në Twitter, se ShBA-ja ka qenë gjithmonë vendimtare në procesin e shtetndërtimit të Kosovës.

“Më 2 shtator takohemi në Shtëpinë e Bardhë për të diskutuar me palën serbe, si dy vende të pavarura, për projekte madhore të bashkëpunimit ekonomik që do ta ndërrojnë perspektiven ekonomike të Kosovës dhe rajonit. Kosova është e bekuar me miqtë e saj”, thuhet në publikimin e tij.

USA has always been crucial in Kosovo's state-building process. On Sept 2, with Serbian side, as independent countries, we will meet at the White House
for major projects that will change the economic perspective of Kosovo and the region. Kosovo is blessed with its friends. https://t.co/cfZ7rcgg72

— Avdullah Hoti (@Avdullah) August 14, 2020

I dërguari i posaçëm i presidentit amerikan Donald Trump për dialogun Kosovë-Serbi, Richard Grenell ka bërë të ditur se Kosova dhe Serbia do të takohen në Shtëpinë e Bardhë më 2 shtator.

“Jemi të lumtur të njoftojmë se liderët e Kosovës dhe të Serbisë do të takohen në Shtëpinë e Bardhë për bisedime më 2 shtator”, ka shkruar Grenell në Twitter.

Paralajmërimi për takimin në SHBA vjen pas anulimit të atij paraprak më 27 qershor.

Ndërkaq, Kosova dhe Serbia kanë zhvilluar së fundi disa takime në Bruksel.