Hoti flet për temat që i bisedoi me Vuçiqin në Bruksel
Kryeministri Hoti përmes një njoftimi në Facebook ka bërë të ditur se njohja reciproke dhe normalizimi i raporteve janë qëllimi përfundimtar i këtij procesi.
Hoti gjithashtu është shprehur se kërkesa nga ana jonë për temat që do trajohen ishin personat e pagjetur dhe çështjet ekonomike.
“Pas 20 muajsh, sot e rifilluam procesin e dialogut në mes të Republikës së Kosovës dhe Republikës së Serbisë. Njohja reciproke dhe normalizimi i raporteve në mes të dy vendeve janë parimet bazë dhe qëllimi përfundimtar i këtij procesi. Me kërkesën tonë, dy temat e takimit të parë ishin personat e pagjetur dhe çështjet ekonomike,” është shprehur Hoti.
Tek ekonomia sipas Hotit përfshihen kompensimi i dëmeve të luftës, kursimet në banka, pagat e punëtorëve të larguar nga puna dhe çështje që do diskutohen në të ardhmen.
“Për ne tek ekonomia përfshihen edhe kompensimi i dëmeve të luftës, suksesioni, borxhi shtetërorë, pensionet, kursimet në banka, pagat e humbura të punëtorëve të larguara nga puna, dëmtimet e pronës private dhe çështje të tjera që do të vazhdojnë të diskutohen në takimet e ardhshme. Jemi të vendosur që çështja e të pagjeturve të mbyllet sa më shpejt, sepse ndjejmë obligim moral ndaj familjeve të tyre,” ka shtuar tutje Hoti.
Hoti gjithashtu ka theksuar se me mbështetjen e miqëve do arrihet qëllimi sepse sipas tij ky është në interes të Kosovës dhe Serbisë, në interes të paqes dhe stabilitetit në rajon.
Këtu mund ta shokoni videon nga takimi – LINK
