Hoti e akuzon Qeverinë Kurti për vendime me "elemente komunizmi"

Deputeti nga radhët e Lidhjes Demokratike të Kosovës e ka akuzuar Qeverinë Kurti për vendime të “sistemeve komuniste.

Këtë ai e ka thënë përmes një postimi në Facebook, ku ka shkruar se Projektligji për Fondin Sovran është “hap drejt ekonomisë së komanduar”.

“Projekligji per themelimin e Fondit Sovran paraqet hap konkret drejt vendosjes të ekonomisë së komanduar, i cili sistem ka dështuar… Më në fund, këta majtistë po e marrin guximin të tregojnë se për çfarë sistemi ekonomik janë — këta janë për ekonomi të komanduar me elemente komunizmi.” – ka shkruar Hoti.

Sipas Hotit, vendimet e dy viteve të kaluara janë tipike të sistemeve komuniste.

“Ulja e pagave, ligji për çmimet maksimale, vendimi për caktimin e marzhave të fitimit, tendenca për shtetëzim të Odës Ekonomike,  marrja e të hyrave vetanake të komunave e kështu me radhë. Të gjitha këto janë veprime që e karakterizojnë sistemin komunist” – ka përfunduar Hoti.

Reagime sot ka pasur edhe nga Deputetja e Lidhjes Demokratike të Kosovës (LDK), Hykmete Bajrami, e ka vlerësuar si antikushtetues Projektligjin për Fondin Sovran.

Bajrami, e cila në Qeverinë Kurti 1 ka qenë ministre e Financave, ka thënë se nëse Projektligji aktual bëhet ligj atëherë do ta dërgojë në Gjykatën Kushtetuese.

Qeveria Kurti 2 ka premtuar shuarjen e Agjencisë Kosovare të Privatizimit (AKP) dhe themelimin e Fondit Sovran.

Projektligji për Fondin Sovran ka për­ qëllim të themelojë Fondin Sovran si in­s­ti­tu­ci­on investiv dhe zhvillimor, të për­cak­tojë sta­tusin, fun­ksi­onet dhe qeverisjen e Fon­dit, si dhe të rregullojë me­na­xhimin e aseteve, inves­timet dhe finan­ci­min e Fondit.