Foto: Urim Krasniqi/KALLXO.com
Hoti dënon dhunën ndaj djalit të Nenad Rashiqit
Kryeministri në detyrë, Avdullah Hoti përmes një postimi në Facebook e ka dënuar sulmin fizik ndaj Nikolla Rashiqit djalit të politikanit serb të Kosovës, Nenad Rashiq.
“Dhuna është e papranueshme dhe e dënueshme. Rasti i rrahjes së Nikolla Rashiqit, i biri i Nenad Rashiqit, ishte një akt i papranueshëm dhe si i tillë duhet të trajtohet dhe hetohet nga organet kompetente, ndërsa kryesit e këtij akti duhet të përballen me forcën e ligjit”, ka shkruar Hoti në Facebook.
Nikolla Rashiq është sulmuar fizikisht të hënën në fshatin Llapnasellë, në oborrin e shkollës, menjëherë pas përfundimit të mësimit.
Policia e Kosovës ka njoftuar se ka arrestuar 8 persona në lidhje me rastin.
Nenad Rashiq ka treguar se djali i tij është sulmuar nga rreth 30 persona me duke u goditur me boksa të hekurit e çekiçë.