Historia e zvarritjes së tenderit të targave

Sonte në emisionin “Kallxo Pernime” po shfaqet hulumtimi rreth zvarritjes së tenderit në vlerë 1.4 milion euro për furnizim me targa.

Në hulumtim mund të ndiqni dëmet që u ka shkaktuar bizneseve që merren me transportin e mallrave mungesa e targave.

Po ashtu në “Kallxo Pernime” transmetohen detajet se si specifikat teknike të këtij tenderi janë përgatitur në kundërshtim me Ligjin e Prokurimit Publik, duke kufizuar konkurrencën dhe duke diskriminuar kompanitë.

Kush i hartoi specifikat teknike të këtij tenderi?

Ku u bazua Ministria e Punëve të Brendshme gjatë hartimit të specifikave teknike?

Cilat janë pretendimet e kompanive që janë eliminuar në këtë tender?

Cili ishte roli i Bankës Qendrore të Kosovës në këtë tender?

Çka thoshte interpretimi i Komisionit Rregullativ të Prokurimit Publik për specifikat teknike?

Pse nuk u mor parasysh interpretimi i KRPP-së në vendimin e OShP-së?

Në pjesën e dytë të emisionit diskutohet për faktin se Kosova është vendi i fundit në Europë që është furnizuar me vaksina kundër COVID-19.

Jeta Xharra do të diskutojë me sportistë e ekspertë të fushës për të shpjeguar dëmet e shkaktuara për shkak se Kosova nuk ka vaksina e po ashtu mundësitë të cilat nuk janë shfrytëzuar për të siguruar doza të mjaftueshme për vaksinat.