Çezme - Foto: KALLXO.com
“Hidromorava" apel banorëve të Novobërdës: Mos e përdorni për pije ujin e ujësjellësit!
21.4.2022 - 22:15
Kompania Regjionale e Ujësjellësit “Hidromorava” ka njoftuar se uji i pijshëm në Novobërdë është turbulluar dhe nuk mund të përdoret për pije.
Sipas “Hidromoravës” turbullira është shkaktuar nga reshjet e shiut.
“Ju ftojmë që ujin e ujësjellësit mos ta përdorni për pije deri në njoftimin e radhës”, thuhet në njoftim.
KRU “Hidromorava” ka njoftuar gjithashtu se është duke e përcjellë cilësinë e ujit dhe do të njoftojë banorët në momentin vlerat janë brenda normave për konsumim të ujit.