Haxhiu reagon pas vendimit të KGjK-së

Këshilli Gjyqësor i Kosovës sot verifikoi 1 mijë e 80 kandidatë për deputetë nga 28 parti politike që do të garojnë për zgjedhjet e 14 shkurtit.

Sipas këtij institucioni të drejtësisë, 47 emra kanë telashe me ligjin.

E në mesin e tyre, është edhe lideri i Lëvizjes Vetëvendosje, Albin Kurti dhe ish-Ministrja e Drejtësisë nga kjo parti, Albulena Haxhiu.

Kjo e fundit ka reaguar pasi KGjK-ja ia mohoi kandidimin e saj për deputete dhe kandidimin e Kurtit.

“Në shtetin e kapur, kështu ndodhë! Këto janë përpjekjet dhe shkelmat e fundit të atyre që e kapën shtetin dhe atyre që i shërbyen shtetit të kapur”, shkroi ajo.

Sipas anëtares së VV-së, kryetari i kësaj partie gëzon mbështetje të qytetarëve.

“Albini, gëzon mbështetje shumë të madhe qytetare dhe kjo mbështetje është e pakontestuar prandaj qytetarët me të drejtë janë të shqetësuar për tendencat e qëllimshme për largimin nga lista të Albinit!”, shkroi ajo në Facebook.

Albin Kurti dhe Albulena Haxhiu në mesin e 47 personave të cilët kanë telashe me ligjin

www.kallxo.com