Haxhiu: Delegacioni shkoi kinse për njohje e u pajtuan ta heqin termin Republikë
Ish-ministrja e Drejtësisë nga Qeveria Kurti, Albulena Haxhiu tha se delegacioni i Kosovës shkoi kinse për njohje e u pajtuan që ta heqin termin Republikë nga kjo marrëveshje dhe hoqën dorë nga Pavarësia e Kosovës.
“Marrëveshja apo zotime të nënshkruara nga kryeministri i paligjshëm i cili e ka mandatin e kontestuar edhe në Gjykatën Kushtetuese edhe nga qytetarët është një marrëveshje e dëmshme dhe cenon dispozitat kushtetuese që kanë të bëjnë me integritetin territorial dhe sovranitetit e vendin” tha Haxhiu.
Haxhiu tha se pika për Ujmanin është në kundërshtim me Kushtetutën e Kosovës ndërsa në pikën 15 të marrëveshjes theksohet edhe moratoriumi i Kosovës, që heq Kosova dorë nga shtetësia e saj.
Sipas saj, kjo do të krijojë pasoja të rënda për Kosovën në raport me organizatat ndërkombëtare dhe se kjo marrëveshje nuk duhet të bëhet pjesë e sistemit juridik të Kosovës.
Sot ish-kryeministri Albin Kurti tha se delegacioni shkoj për njohje, ndërkaq u pajtuan për ndarjen e Liqenit të Ujmanit, u pajtuan t’i mundësojnë Serbisë qasje në detin Adriatik. Shkuan për njohje, ndërkaq me kërkesë të Serbisë e larguan emërtimin “Republikë.”
Sipas LVV-së, liderët kosovarë me marrëveshjen e së premtes kanë sjellë ‘dëm, turp e rrezik’