Haxhi Shala - Foto: Facebook

Haxhi Shala: Deri më sot, vota ime është kundër Qeverisë Hoti

Deputeti nga radhët e Nismës Socialdemokrate, Haxhi Shala, ende nuk ka vendosur se a do ta votojë Qeverinë Hoti, pjesë e të cilës pritet të jetë edhe partia e tij.

Shala tha se tani për tani vota e tij është kundër Qeverisë që mund të drejtohet nga kandidati i LDK-së, Avdullah Hoti. Por, ka shtuar ai, për këtë çështje mbetet të vendoset nesër, në mbledhjen e partisë.

“Unë ende nuk kam vendosur për të votuar këtë qeveri. Mbetet të shihet nesër se si do të merremi vesh në mbledhjen e Kryesisë. Deri sot, vota ime është kundër kësaj Qeverie. Janë arsyet tona të cilat duhet të diskutohen brenda partisë. Nesër e kuptoni, ose ditën e konsolidimit të Qeverisë”, ka thënë Shala në TV Dukagjini.

Ai deklaroi se kjo nuk ka të bëjë me ‘pazare politike’ apo poste ministrore, por sipas tij, për shkak të parimeve.

Do NOT follow this link or you will be banned from the site!