Haradinaj pas takimit me Ramën: E përkrahi temën e Ballkanit të Hapur pas njohës së Kosovës nga Serbia
27.9.2021 - 14:23
Lideri i Aleancës për Ardhmërinë e Kosovës, pas takimit që mbajti me kryeministrin shqiptar Edi Rama, tha se kanë diskutuar tema për zhvillimet e fundit në Kosovë.
Haradinaj tha se e ka falënderuar Ramën për ardhjen në Kosovë ku sipas tij ka shumë zhvillime në Kosovë e rajon.
“E shfrytëzova rastin me i diskutu temat aktuale”, tha Haradinaj duke shtuar se ka diskutuar për situatën në veri dhe për hekurudhën Kosovë – Durrës.
Haradinaj tha se nuk ka pasur mundësi për ta hapur temën e Ballkanit të Hapur.
“Nuk patëm rast me diskutuar e mirëpres Ballkanin e Hapur pas njohjes së Kosovës nga Serbia”, tha Haradinaj.